Apologia Intermedio

Pa por inskribí pa e kurso aki, e studiante mester a kompletá e kurso di Apologia Básiko ku bon resultado. E kurso di Apologia Intermedio ta konsistí di 10 lès. Na final di kada lès, e studiante lo mester kontestá algun pregunta relashoná ku e kontenido di e lès. E mes ta determiná kon lihé e ta pasa dor di e lèsnan, pero nos ta duna un máksimo di 3 luna pa kompletá e kurso kompletu.

Komo parti di e kurso, e studiante tin ku traha dos tarea i un eksamen final. Ku e produkshon di un bon resultado, e studiante ta risibí un sertifikado for di Apologetics for You.

Pa hasi su estudio, e studiante lo risibí tur material for di Apologetics for You, inkluso e buki Mi Tin Un Pregunta (formato PDF), skirbí pa Drs. Mallory Cijntje. Tur kosto pa e materialnan di estudio ya ta inkluí den e preis di inskripshon pa e kurso.  

Ku e kurso di Apologia Intermedio e studiante ta konstruí riba e base ku el atkerí for di Apologia Básiko. Nos lo trata temanan fundamental pa e Fe Kristian ku klaridat, pero tòg ku sufisiente profundidat. E kreyente lo haña mas konfiansa i stabilidat den loke e ta kere, i na mes momentu e ta wòrdu prepará pa duna kontestanan sabí i verídiko. Algun tema ku nos lo trata ta:

• Fe i Inkredulidat

• Evidensia pa Milagernan Bíbliko

• E Historisidat di Hesus

• E Esklusividat di Kristu i Kristianismo

• E Eksistensia i Origen di Satanas

• E Koeksistensia di Dios i Maldat

Pa apliká pa e kurso aki, bo mester stòrt fl. 85 riba e number di kuenta 333305601 (MCB). Kòrda duna bo nòmber kompletu i hasi menshon di Apologia Intermedio.

Despues di e pago, bo por registrá libremente. *Por fabor, saka un portrèt /screenshot di e pago pa inkluí na momentu di registrashon.

Pa kualke iformashon relashoná ku e kurso, bo por tene kontako ku mi (Mallory Cijntje) libremente via mi cel. 6915205 òf via email: apologetics4you@gmail.com