ABOUT

Un Ministerio di Iglesia E Bèrdat Ankrá

 

Apologetics for You ta un ministerio di Iglesia E Bèrdat Ankrá. Klik aki pa mas informashon tokante nos iglesia, i kon pa drenta den kontakto ku pastor Sr. Mallory Cijntje.

E Propósito di Apologetics for You

Apologetics for You ta un website di apologia Kristian. E palabra apologia ta un palabra Griego ku ta nifiká pa “duna un defensa.” E propósito di nos website ta pa ekipá e iglesia, e kurpa di Kristu, pa kumpli ku e mandato di 1 Pedro 3:15,

“Sea semper dispuesto pa duna kontesta na kada un ku pidi boso pa duna kuenta di e speransa ku tin den boso.”

 

Señor ta yama Su yunan pa ta semper prepará (Gr. hetoimos) pa duna un defensa (Gr. apologia) pa e speransa ku nan tin. E echo ku kada dia mas i mas krítika ta wòrdu lansá kontra Beibel i e Fe Kristian, ta hasi esaki nesesario. E echo ku tin hende ku sinseramente ta buska kontesta riba nan preguntanan intelektual relashoná ku e kredibilidat i konfiabilidat di Beibel i e Fe Kristian, ta hasi esaki nesesario. I e echo ku Kristiannan mes hopi bia ta konfundí, i no sa kon pa respondé ni kiko pa respondé, ta hasi esaki nesesario.

 

E filósofo Danes Søren Kierkegaard tabata mantené ku fe i rasonamentu no ta kuadra ku otro; nan no por topa otro. El a bisa ku loke bo ta kere ta bèrdat, ta mas importante ku loke realmente ta bèrdat; ku otro palabra, bèrdat suphetivo ta mas importante ku bèrdat ophetivo. Kierkegaard tabata mantené ku Kristianismo ta un salto siegu (blind leap) den e esfera irashonal. Pues, Kristianismo no mester wòrdu defendé, Kristianismo mester wòrdu únikamente keré. Sinembargo, e bèrdat ta, ku nos fe - kua sigur no ta un fe irashonal - definitivamente por i mester wòrdu defendé. Apòstel Pablo, den 1 Korintionan 15:14-17 ta bisa lo siguiente,

 

"Si Kristu no a wòrdu lantá, e ora ei nos predikamentu ta bano, i boso fe tambe ta bano. Ademas, nos ta resultá di ta testigunan falsu di Dios, pasobra nos a duna testimonio kontra Dios ku El a lanta Kristu, Kende E no a lanta, si di bèrdat e mortonan no ta wòrdu lantá. Pasobra si e mortonan no ta wòrdu lantá, Kristu tampoko no a wòrdu lantá; i si Kristu no a wòrdu lantá, boso fe ta sin balor; ainda boso ta den boso pikánan."

 

“Si Kristu no a wòrdu lantá for di e mortonan” (bèrdat ophetivo), anto e ora ei nos kerensia suphetivo ta sin balor. Pues Pablo ta bisa ku nos fe mester ta basá riba faktonan (bèrdatnan). I Kristianismo enbèrdat ta basá riba faktonan, i komo tal e ta rashonal i por wòrdu defendé. Es mas, varios kaminda Skritura mes ta manda e kreyente pa hasi eksaktamente esei (2 Korintionan 10:4-5; Kolosensenan 4:5-61; Tito 1:7-9; Pedro 3:15; Hudas 3).

 

 

Kontenido di Apologetics for You

 

Riba nos website bo por lesa i share ku otronan un variedat di material di karákter teológiko i apologétiko. Nos ta repartí e materialnan aki den sinku kategoria:

 

  1. The Bible & Science

  2. The Bible & Philosophy

  3. The Bible & History

  4. The Bible & Hermeneutics

  5. The Bible & Pseudo Spirituality

 

E materialnan aki tur ta e trabou di teólogo i apologista Drs. Mallory Cijntje.

Tin un gran surtido di material den formato di teksto i oudio, i bo ta liber pa

explorá esakinan gratis.

 

Training den Apolgia Kristian

 

Si bo ta deseá un preparashon sistemátiko i kontrolá den Apologia Kristian, lo bo por haña esaki tambe via di nos website. Tin tres kategoria di training:

 

  1. Básiko

  2. Intermédio

  3. Avansá

 

Klik riba e link aki pa mas informashon i inskripshon.

Mallory Pic 2.JPG